soffi

virkar þetta ennþá?

JÍÍÍÍÍÍÍÍÍÍÍÍÍÍÍÍÍÍÍHHHHHHAAAAAAAAAAAAAAAAAAA !!!!!!!

FI455 London (Heathrow) (LHR) 29.11.2006 23:55 Staðfest koma : 00:16

síðastliðna fjóra mánuði er hrefna búin að vera í mexíkó í sos barnaþorpi.

mér fannst það soldið erfitt fyrst og svo lagaðist það

núna seinustu vikur hafa verið erfiðar því mig langar svo að fá hana heim

í dag er ég búinn að vera svo yfirspenntur að fá hana heim að ég er búinn á því og alveg dauðþreyttur

ca. núna rétt eftir miðnætti ætti hún að vera að labba út úr tollahliðinu og í faðminn á mér

EN NEI BÍÐUM NÚ VIÐ, BILAR EKKI FLUGVÉLIN

hrefna er væntanleg á morgun
helvítis hehehe þetta ætlar ekki hjá okkur að ganga

úff ég hélt ég myndi aldrei gera þetta…

en þið kannski fyllið þetta út jah?

1. miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veikur?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú keyra með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?

Í dag var rifin úr mér tönn, vegna þess að hún var svo skemmd.

Í dag skammast ég mín

já ég hafði það af að blogga… ekkert annað að gera þegar maður er búinn að liggja upp í rúmi veikur að vorkenna sjálfum sér á milli þess sem maður skreppur á dolluna. En ég er alveg harður á því að ég fékk sko enga pest, enda fékk ég þessa fínu sprautu í vinnunni. Ég er nokkuð viss um að þessi veikindi mín eru algjörlega sköpuð af mér og lífstílnum sem ég er búinn að nauðga síðastliðna mánuði. Það er, að borða óreglulega, sofa of lítið, borða einhæfan mat (fólkið á búllunni er farið að þekkja mig) og hreyfa mig ekkert.

Einhverntímann hef ég nú hreyft mig, og er náttúrulega með guðdómlega líkamsbyggingu sem bara öskrar á allskonar íþróttaástundun. Ekki ætla ég að hætta að borða kjöt og það eru 3% líkur á því að ég muni einhverntímann sofa eðlilega. Ég held því reyndar fram að ég hafi ekki sofið almennilega síðan ég hætti á sjónum hjá pabba. Þessvegna ætla ég í ræktina! Hah! Já ég á vona á kommentaflóði og að veðbankar landsins fari á fullt núna. Fokk ðis, ég nenni ekki að verða veikur af eigin roluskap! Hversu sorglegt er það!?

Í ljósi þess að ég er lélegur bloggari eru litlar líkur á því að ég komi með updeit á þessu athæfi, en hver veit.

Svo setti ég inn teljara hér við hliðina sem sýnir hvað það er langt (eða sko stutt) þangað til að elsku bestasta sætasta mússímússí Hrefnan mín kemur heim. DJÖFULS STUÐ VERÐUR ÞAÐ !

over and out

Hátt í tíu sagt upp hjá Ratsjárstofnun

Hvað voru þeir margir? einn? eða tveir? eða þrír? eða fjórir? eða fimm? eða sex? eða sjö? eða átta? eða níu? eða akkúrat tíu?

já… það er eiginlega bara SKYLDA að blogga núna

ég er staddur á kárahnjúkum, búinn að vera hérna síðan á sunnudagskvöldið
skv. öllum reglum átti ég að koma hérna á laugardeginum og fá tour um svæðið frá þeim sem var hérna á undan mér, svona til þess að vita hvað hitt og þetta er osona, en ég vildi gista eina nótt í grundó þar sem að mamma var nýkomin heim, og afþakkaði því þetta introduction- boð. Sá líka fram á það að það væri hundleiðinlegt að vita hvar allt er.. ekkert action og svona við að koma sér á milli staða.

Allavegana… ég lenti á Egilsstöðum og fann bílinn sem við höfum. Þá átti ég BARA eftir að koma mér upp á kárahnjúka Fann bíl merktan IMPREGILO fyrir utan flugstöðina og þar var kínverji að bíða eftir fólki sem var að fara að vinna uppfrá, ég spurði hvort hann væri að fara í “main camp” og já.. ég fékk að elta hann uppeftir.

Það var örugglega það erfiðasta sem ég hef gert það sem af er ferðinni, því nú tók við kappakstur á 120-130km/h ALLA LEIÐ UPPEFTIR, þetta er ekki nema 100km leið og hún tók rétt rúma klukkustund, býst við að einhver tími hafi tapast og hraðinn dottið niður þegar við byrjuðum á kárahnjúkavegi sem er 10° hallandi til að byrja með og minnir helst á Pikes Peak leiðina. Þegar kárahnjúkavegur endar þá er komið inn á “svæðið” þar sem ég þurfti að keyra framhjá stíflunni á veg sem er fyrir neðan hana… dálítið magnað að sjá þúsundir tonna af nýlagðri steypu fyrir ofan sig. Á þessari leið tókum við fram úr ca. þremur búkollum og það er svolítið súrrealískt að vera í rauninni að keyra á sama vegi og þessi skrímsli… hvað þá að nálgast þau.

En fyrsti vinnudagurinn rann upp og var frekar einfaldur.. tæknilega séð.. allt sem þurfti að gera var by-the-book og fór mesti tíminn í að rúlla á milli staðanna og spyrja hinn og þennan hvert ég ætti að fara, það var nebblega trikkið að maður myndi hitta fólk og spjalla við ef maður kann ekki leiðirnar.

Svo í dag þriðjudag var allt við það sama.. eitt og annað að gera en svo fór ég heim til einhvers gaurs sem var ítalskur og komst ekki inn á netið. Ég fór inn í skúrinn sem hann býr í og var fljótlega boðinn bjór sem ég afþakkaði, reddaði netinu svo fljótlega og ætlaði að fara að hypja mig, en þá kom:

ítali: “No mister please sit down, I take your jacket”
ég: “ehhh”
ítali: “please please, have seat you want drink?”
ég: “no thank you”
ítali: “I from italia it is normal to have drink”
ég: “ehhh”
ítali: “campari soda you like?”
ég: “no please no alchohol”
ítali: “ahhh ok you want beer?”
ég: “no please, I must go to main office”
ítali: “yes ok then please, here is campari soda” (og réttir mér camparí í sódavatni með klaka)
ég: “ehh no no thank you I cannot drink and drive the car”
ítali: “yes yes, you like olive?”
ég: “ehhh?”
ítali: “black olive or green better?” (og kemur með sitthvora skálina af grænum og svörtum olívum)
ég: (hugsa afhverju í helvítinu hringir ekki síminn minn núna)
ítali segir mér ævisögu sína
ég kemst út 35 mín síðar

borðaði kvöldmat og er svo sestur hér fyrir framan tölvuskjá

ég er að vinna…